Zuzeneko transkripzioa eta itzulpena eskaintzen duen plataforma bat eraikitzea du helburu, besteak beste, Streams proiektuak, eleaniztasuna hizpide izanda, azken urteotan Internet bidezko edukien sorkuntzak eta kontsumoak gora egin duelakoan, batez ere eraldaketa digitalean: "Eduki digitalak prozesatzeari eta sortzeari aplikatutako adimen artifizialean egindako aurrerapen berriek eduki hobea, demokratizatuagoa eta guztiondako eskuragarriagoa izateko aukeren hazkundea erraztu dute; gero eta soluzio gehiago daude eduki irisgarria sortzeko prozesuak automatizatzen dituztenak", adierazi du Vicomtech enpresak, proiektuaren sustatzaileak. Bada, testuinguru horretan abiatu dute Streams.
Proiektuaren garapenean, ordea, ez da bakarrik aritu, alboan izan baititu zazpi enpresa lankidetzarako prest, eta horietako bat izan da Goiena Komunikazio Taldea. Hala, horiek guztiek eginiko lanari esker, plataforma bat da emaitza, transkripzioak, itzulpenak eta hizketaren sintesia egitea ahalbideratzen duena gaztelaniaz, euskaraz, frantsesez eta ingelesez.